Týrıserdi tartýdyń jańa núktesi Ǵarysh stansıasyna barar jolda teńiz deńgeıinen 2500 m bıiktikte ornalasqan (2GIS siltemesi) belgili shyńdarǵa jaqyn: «Jartasty» shyńy (3332 m), «Kroshka» shyńy (3722 m), «Sovetov» shyńy (4317 m), «Ozernyı» shyńy (4126 m).
Kempıng–aımaǵy – taýdaǵy demalys, trekıng, haıkıng jáne shatyrmen uzaq serýendeý áýesqoılary úshin jabdyqtalǵan alań. Týrıserdiń jaıly jáne qaýipsiz demalysy úshin shatyrly oryndar, jaıly besedkalar, oryndyqtary bar ústelder jáne ulttyq stıldegi «Altybaqan» átkenshekteri ornatyldy, dep habarlaıdy almaty-akshamy.kz.
«Biz taý ınfraqurylymyn damytýǵa erekshe nazar aýdara otyryp, týrıser úshin jańa baǵyttar qurý boıynsha jumys istep jatyrmyz. Baǵyttar boıy aqparattyq stendter, kórsetkishter, qalqandar ornatyldy. Navıgasıalyq stendterde QR-kodtar bar, onda týrıser baǵyttyń kúrdeliligimen, onyń uzaqtyǵymen jáne ótý ýaqytymen tanysa alady. Almaty qalasy Týrızm basqarmasynyń basshysy Ǵalıa Toqseıitova kempıng-aımaqtar týraly aqparat 2GIS qosa alǵanda, kartografıalyq platformalarǵa qosyldy, – dep atap kórsetti.
Jańa kempıng-aımaq sońǵy jyldary Almaty qalasy Týrızm basqarmasy ashqan onynshy oryn boldy. Esterińizge sala keteıik, bıyl jazda týrısik ınfraqurylymdy damytý aıasynda «AqBulaq» jáne «Myńjylqy» kempıng-aımaqtary quryldy.
Almaty qalasynyń Týrızm basqarmasy demalýshylardan tabıǵatqa uqypty qaraýdy, taýda qoqys qaldyrmaýdy suraıdy, sondaı-aq taý joryqtary kezinde qaýipsizdik erejeleriniń saqtalýyn eske salady:
-
Taýlarǵa bara jatqanda, óz baǵyttaryńyz boıynsha jaqyndaryńyzǵa habarlaý qajet
-
Aýa-raıyna saı kıinip, terińizdi kún sáýlesinen qorǵańyz. Ózińizben birge qajetti qural-jabdyqtar, bas kıim, sý, tamaqtaný jáne portatıvti zarádtaǵyshpen zarádtalǵan telefon alyńyz
-
Joldan shyqpańyz
-
Qutqarý qyzmetiniń SMS eskertýlerin esińizden shyǵarmańyz