Oljas Bektenov qaldyqtardy basqarý salasyndaǵy jobalardy iske asyrý jumysyn kúsheıtýdi tapsyrdy
QR Premer-mınıstri Oljas Bektenovtiń tóraǵalyǵymen ótken Úkimet otyrysynda komýnaldyq jáne óndiristik qaldyqtardy basqarýdyń jaı-kúıi men aldaǵy josparlary qaraldy, dep habarlaıdy aqshamnews.kz.
Ekologıa jáne tabıǵı resýrstar mınıstrliginiń málimeti boıynsha, elimizde jyl saıyn 4,5 mln tonnadan astam komýnaldyq qaldyqtar túziledi, al 2024 jyly kádege jaratý deńgeıi shamamen 26%-dy quraǵan. Premer-mınıstr ekologıalyq ahýalǵa, halyqtyń densaýlyǵy men turmys sapasyna áser etetin qaldyqtardy basqarýdyń mańyzdylyǵyn atap ótti.
«Qaldyqtardy basqarý júıesin damytý úshin byltyr elimizde arnaıy jeńildikpen qarjylandyrý tetigi bekitilgen bolatyn. Búginde 94 jobadan turatyn pýl jasaqtaldy. Alaıda, olardy iske asyrý barysy múldem mardymsyz. Búginde 67 joba qaralǵan. Sonyń 6-ýy ǵana 4 mlrd teńge somasynda qarajatpen qamtamasyz etilgen. Bul jobalardy daıyndaý barysynda ákimdikterdiń tarapynan úılestirý sharalarynyń jetkiliksiz ekenin bildiredi. Jobalardy iske asyrý, jabdyqtardy jańartý, jańa tehnologıalardy engizý boıynsha barynsha belsendi jumys júrgizý kerek»,— dep atap ótti Oljas Bektenov.