Mektepterdegi oryn tapshylyǵyn azaıtý úshin 2023 jyly «Qaırat» shaǵyn aýdanynda 1500 oryndyq №211 gımnazıa paıdalanýǵa berildi.
2024 jylǵy naýryz aıynda №59 mektep-gımnazıaǵa seısmıkalyq kúsheıtýmen jáne 300 oryndyq keńeıtýmen qaıta jańartýdy aıaqtalatynyn Túriksib aýdany turǵyndarymen kezdesýinde qala ákimi aıtty, dep habarlaıdy almaty-akshamy.kz.
№195 mektepke 450 oryndyq qosymsha qurylys bastaldy. Qurylys jumystary 2025 jyldyń qańtar aıynda aıaqtalýy tıis.
Bıyl «Jaıly mektep» Ulttyq jobasy aıasynda 6100 orynǵa 4 jańa mektep salý josparlandy. Atap aıtqanda №198 mektepke 600 oryndyq qosymsha qurylys salý, №83 gımnazıa fılıalyn rekonstrýksıalaý, №50 mektepti seısmıkalyq kúsheıtý boıynsha jumystar josparlanýda, dedi qala ákimi.
2024 jyldyń maýsym aıynda qoldanystaǵy ǵımarattaryn buzýmen Almaty telekomýnıkasıa jáne mashına jasaý koleji jańa korpýsynyń qurylysy josparlanypty. Sonymen qatar aýdannyń mektepke deıingi uıymdarynda oryn tapshylyǵyn qysqartý úshin 2024 jylǵy 1 toqsanyna deıin «Qaırat» shaǵyn aýdanynda 260 oryndyq memlekettik balabaqshanyń qurylysyn aıaqtaý jáne №70 bóbekjaı-balabaqsha ǵımaratyn seısmıkalyq kúsheıtý josparlanǵan.