Kórsetilgen soma jaqyn arada Qazaqstan búdjetine túsedi.
Qazaqstannyń quqyq qorǵaý organdary Qaırat Satybaldyulyna qatysty qylmystyq is boıynsha quny 230 mıllıon dollardan asatyn asyl tastar men zergerlik buıymdardy elge qaıtardy, dep habarlaıdy Almaty-akshamy.kz.
«Qazaqstan Respýblıkasynyń Sybaılas jemqorlyqqa qarsy is-qımyl agenttigi Qaırat Satybaldyuly men basqa da adamdarǵa qatysty qylmystyq jolmen alynǵan aqshany jáne ózge de múlikti zańdastyrý (jylystatý) faktileri boıynsha sotqa deıingi tergep-tekserýdi jalǵastyrýda. Jedel-izdestirý is-sharalarynyń nátıjesinde alys shet elderde fıgýranttarǵa tıesili, quny 230 mıllıon AQSH dollarynan asatyn, memleket kirisine aınaldyrylǵan eksklúzıvti asyl tastar men zergerlik buıymdar ornatylyp, elge qaıtaryldy», - delingen agenttiktiń sársenbi kúngi habarlamasynda.
Mamandardyń aıtýynsha, Qaırat Satybaldyulynyń sheteldik baǵaly qaǵazdarǵa 300 mıllıon AQSH dollaryn salý faktisi anyqtaldy. Kórsetilgen soma jaqyn arada Qazaqstan búdjetine túsedi.