Depýtattar áskerde bolatyn osyndaı júgensizdikti zańmen retteý kerektigin kóterdi.
Ondaǵy ár oqıǵa jiti zerttelip, bolashaqta mundaı olqylyqtar oryn almaıtyndaı jaǵdaı jasalýy tıis. Bul jaıynda Parlament senatynyń halyqaralyq qatynastar, qarýly kúshter men qaýipsizdik komıtetiniń otyrysynda aıtyldy, dep habarlaıdy Almaty-akshamy.kz.
Komıtet tóraǵasy Muhtar Qul-Muhammed sońǵy kezderi áskerde belgisiz jaǵdaıda qaza bolǵan sarbazdardyń qatary azaımaı turǵanyn aıtty.
Sondyqtan biz bul jaǵdaılardyń qaıtalanbaýy úshin zańdyq turǵyda qujattar qabyldaýymyz tıis deıdi. Depýtattar qazir áskerde kelisim shart boıynsha boryshyn ótep júrgenderdiń úlesi 70 paıyz ekenin alǵa tartyp, olardyń áleýmettik jaǵdaıyn jaqsartý jaǵyn qarastyrýdy usyndy. Sondaı-aq áskerılerdiń biliktiligin arttyrý isi de mańyzdy.