Bul týraly Memlekettik múlik jáne jekeshelendirý komıteti málim etti.
«Qazaqtelekomnyń» 3 084 893 jaı aksıasy respýblıkalyq menshikke qabyldanǵan. Onyń ishinde Skyline Investment Company S.A-dan 2 671 481 jaı aksıa (24,95 paıyz) – Satybaldynyń jalǵyz aksıoneri (qujattarda Satybaldýly dep kórsetilgen), Alatau Capital Invest-ten – 413 412 jaı aksıa (3,8 paıyz), dep habarlaıdy Almaty-akshamy.kz Elorda.info saıtyna silteme jasap.
Vedomstvoda qosylǵan bul qujattar paketi baǵalaýdan keıin Úkimet qaýlysymen «Samuryq-Qazyna» qorynyń ornalastyrylǵan aksıalary úshin tólem retinde aýdarylady.
Qaırat Satybaldy – Qazaqstannyń eks-prezıdenti Nursultan Nazarbaevtyń nemere inisi. 2022 jyldyń qyrkúıeginde onyń múlki tárkilenip, memlekettik nagradalarynan jáne UQK general-maıory sheninen aırylyp, 10 jyl memlekettik qyzmetke turýǵa tyıym salý arqyly alty jylǵa bas bostandyǵynan aıyryldy.
Qaırat Satybaldy naýryz aıynda qamaýǵa alynǵan.
Qazaqstannyń Sybaılas jemqorlyqqa qarsy qyzmeti tamyz aıynda sot aldynda «tergeý barysynda sottalýshylardyń zańsyz ıemdengen múlki men jalpy somasy 500 mln dollardan astam qarajaty memleketke qaıtarylǵanyn» habarlady.
Sondaı-aq Satybaldyǵa qatysty «salyq jáne kedendik tóleýden jaltarý, qylmystyq kiristerdi zańdastyrý faktileri boıynsha» ister qosymsha tekserilip jatqany habarlandy.