Qamaý merzimi 2022 jyldyń 21 tamyzyna deıin uzartyldy.
Almaty qalalyq máslıhatynyń burynǵy depýtaty Qaırat Qudaıbergendi qamaý merzimi taǵy bir aıǵa uzartyldy, dep habarlaıdy Almaty-akshamy.kz QazAqparatqa silteme jasap.
Bul týraly Almaty qalalyq sotynyń baspasóz qyzmeti málim etti.
«21 shilde kúni Almaty qalalyq tergeý sotynyń qaýlysymen kúdiktini qamaýda ustaý merzimi 4 aıǵa deıin uzartyldy. Qamaý merzimi 2022 jyldyń 21 tamyzyna deıin uzartyldy»,- dep habarlady Almaty sotynyń baspasóz qyzmeti.
Buǵan deıin kúdiktini qamaý merzimi bir aıǵa uzartylǵan bolatyn.
Aıta keteıik, 24 sáýir kúni sot qaýlysymen tergeý organdarynyń ótinishi qanaǵattandyrylyp, Qaırat Qudaıbergenge qatysty áreketti saralaý týraly qaýly shyǵarylǵanǵa deıin ony 30 táýlik merzimge kúzetpen ustaý túrindegi bultartpaý sharasyna sanksıa berilgen bolatyn.
Eske salaıyq, Qaırat Qudaıbergenniń ustalǵany týraly aqparat 22 sáýirde paıda bolǵan edi.
Keıin QR Bas prokýratýrasy Almaty qalasy máslıhatynyń depýtaty Qaırat Qudaıbergen qańtar oqıǵasynyń isi boıynsha ustalǵanyn rastady.
Qaırat Qudaıbergen Dıkıı Armanmen birge adam jınaýdy uıymdastyrǵan.