Ekonomıkalyq jáne sybaılas jemqorlyqqa qarsy kúres agenttiginiń burynǵy tóraǵasy Qaırat Qojamjarovqa qatysty sotqa deıingi tergeý bastaldy, dep habarlaıdy Aqshamnews.kz Bas prokýratýraǵa silteme jasap.
Vedomstvonyń málimetinshe, tergeý onyń túrli basshylyq qyzmetter atqarǵan kezeńderinde qyzmettik ókilettigin asyra paıdalaný jáne qylmystyq jolmen alynǵan qarajatty zańdastyrý derekteri boıynsha júrgizilip jatyr.
"Barlyq qylmystyq is boıynsha arnaıy prokýrorlardyń basshylyǵymen jedel-tergeý toptary quryldy. Qylmystyq-prosestik kodekstiń 201-babyna sáıkes, ózge málimetter jarıa etilmeıdi", – delingen Bas prokýratýranyń habarlamasynda.
Aıta keteıik, Qaırat Qojamjarov – burynǵy Ulttyq búronyń tóraǵasy, odan bólek Memlekettik qyzmet isteri jáne sybaılas jemqorlyqqa qarsy is-qımyl agenttigin basqarǵan. Ol qarjy polısıasynyń general-maıory, Aqmola oblysynyń ákimi jáne Qazaqstannyń Qaýipsizdik keńesiniń hatshysy qyzmetin atqarǵan.