Sot sheshimimen ol 15 táýlikke temir torǵa toǵytyldy.
Búgin, 2024 jyldyń 5 shildesinde áleýmettik jelilerde belgili qazaqstandyq ánshi Qaırat Nurtastyń ustalǵany týraly aqparat paıda boldy. Oqıǵa boıynsha 5 shilde de 12:00-de onlaın formatta sot otyrysy ótti.
Tanymal ánshi eki bap boıynsha aıyptalǵan bolatyn:
- QR Ákimshilik kodeksiniń 73 bapbynyń 1 taraý 1 bóligi boıynsha, qasaqana jeńil dene jaraqatyn keltirgeni úshin;
- QR Ákimshilik kodeksiniń 434 bap 2 bóligi boıynsha, ushaq bortynda usaq buzaqylyq jasaǵany úshin.
Qozǵalǵan birinshi hattama boıynsha eki tarap bitimgershilikke kelgen.
"Eki jaqtyń tatýlasýyna baılanysty QR Ákimshilik kodeksiniń 73 babynyń 1 taraý 1 bóligi boıynsha qozǵalǵan is toqtatyldy",- dedi sýdıa.
Taǵylǵan ekinshi aıyp boıynsha, tanymal ánshi sot sheshimimen 15 táýlikke qamaýǵa alyndy.
Qaırat Nurtastyń aıyppul salýmen shektelý týraly ótinishine, sot quqyq buzýshylyq ákimshilik jaza qoldanylǵannan keıin bir jyl ishinde qaıtadan jasalǵandyqtan, qamaýǵa alý týraly sheshim qabyldanǵanyn túsindirdi.
Sotta anyqtalǵandaı, oqıǵa 4 shildede saǵat 20:00 shamasynda Almaty – Astana baǵytyndaǵy ushaq bortynda bolǵan. Qaırat Nurtas pen Asylbek Bekqaıyrov arasynda aýyzsha janjal týyndap, arty tóbeleske ulasqan. Nátıjesinde, jábirlenýshi jeńil dene jaraqatyn aldy.