Baǵanyń ósýin Almaty turǵyndary qatty sezindi.
2023 jyly Qazaqstanda taksı qyzmetin kórsetetin kompanıalardyń tabysy 17%-ǵa, ıaǵnı 5,9 mlrd teńgege deıin ósti, dep habarlaıdy Almaty-akshamy.kz
Osy kezeńde taksı qyzmetterin 47,4 mln adam qoldandy, bul byltyrmen salystyrǵanda 2%-ǵa az. Jolaýshylar aınalymy bir jylda 44%-ǵa, 1,4 mlrd jolaýshy-kılometrge deıin qysqardy.
2023 jylǵy qańtar–qarashada taksı qyzmeti salasyndaǵy negizgi kapıtalǵa salynǵan ınvestısıalar bir jyl burynǵy 495,1 mln teńgeden birshama ósip, 751,9 mln teńgege jetti.
Investısıalardyń jyldyq ósimi qundyq mánde 51,8%.
Salymdardyń eń kóp somasy Almatyda boldy: 360,6 mln teńge, byltyrmen salystyrǵanda 6,9 ese kóp. Óńirdiń úlesi QR-dan 48%.
Jańa talapqa sáıkes, taksı júrgizýshileri salyq organdaryna tirkelýi kerek nemese mobıldi qosymsha arqyly onlaın (JK retinde) tirkele alady. Ol úshin qajetti jaǵdaılar jasalǵan.
Sonymen qatar júrgizýshilerdi salyq tóleýden bosatý jáne osy mindetti operatorlarǵa júkteý múmkindigi qarastyrylyp otyr.
2023 jyldyń jeltoqsanynda taksımen júrý ótken jyldyń jeltoqsanymen salystyrǵanda 9,1%-ǵa qymbattady.
Óńirlik bóliniste baǵanyń ósýin Almaty turǵyndary qatty sezindi, bir jylda 30,3%-ǵa ósti. Eń arzan taksı Aqtóbe jáne Abaı oblystarynda: tıisinshe 22,1% jáne 17%.
Mańǵystaý oblysynda taksı qyzmetteriniń jyldyq eń az qymbattaýy tirkeldi - 1,2%. Taǵy úsh oblysta — Almaty, Shyǵys Qazaqstan jáne Batys Qazaqstan oblystarynda baǵalar bir jyl burynǵydaı deńgeıde qaldy.
2024 jyldyń 15 qańtarynda jarıalanǵan Numbeo málimetteri boıynsha, standartty tarıf boıynsha 1 km-ge eseptelgen taksı qyzmetteriniń eń joǵary baǵasy Shveısarıada (4,63 dollar), Lúksembýrgte (3,29 dollar) jáne Kýveıtte (3,25 dollar) tirkeldi.
Qazaqstanda taksı qyzmetteriniń quny 0,61 dollar, bul - TMD elderi arasyndaǵy eń joǵary kórsetkish. Ázirbaıjanda standartty tarıf boıynsha 1 km-ge taksımen júrý quny 0,59 dollar, Reseıde — 0,34 dollar, Ýkraınada — 0,32 dollar, Belarýssıada — 0,31 dollar, Armenıa men Ózbekstanda - 0,3 dollar boldy.