Bul suraqqa QR Densaýlyq saqtaý mınıstri Alekseı Soı jaýap berdi.
Úkimet otyrysynda QR Densaýlyq saqtaý mınıstri Alekseı Soı vaksınasıalaý qarqyny tómen óńirlerdi atady, dep habarlaıdy Almaty-akshamy.kz.
«Búginde shamamen 4 mln vaksına dozasy qoldanyldy. Onyń ishinde 1-komponentpen 2 547 363 adam ekpe aldy. Bul ekpe alýǵa jatatyn halyqtyń 25,7 paıyzyn quraıdy. Al ekinshi komponentpen 1 435 334 adam qamtyldy», - dedi Alekseı Soı.
Onyń dereginshe, búginde ekpe pýnktterinde vaksınanyń jetkizilikti dozasy, atap aıtqanda, 1-komponenttiń shamamen 1,2 mln, 2-komponenttiń 914 myń dozasy bar.
«1-komponentpen vaksınasıalaýmen qamtýdaǵy eń tómengi kórsetkish Mańǵystaý oblysynda 13,2, Qostanaı oblysynda 19,5 paıyzdy, al 2-komponentpen eń tómengi qamtý Mańǵystaý oblysynda 7,3 paıyzdy quraıdy. Oblystardyń, qalalardyń ákimderi halyqty KVI-ge qarsy vaksınasıalaýmen qamtýdy jeke baqylaýǵa alyp, halyqty qosymsha yntalandyrý jetikterin arttyrýy jáne aqparattyq-túsindirý jumystaryn kúsheıtýi qajet», - dedi mınıstr.