Bıylǵy 8 aıda shamamen 6,8 mln ákimshilik quqyq buzýshylyq tirkelgen.
Bul týraly Bas prokýratýranyń Quqyqtyq statısıka jáne arnaıy esepke alý komıteti málim etti, dep habarlaıdy Almaty-akshamy.kz.
“5,5 mln quqyq buzýshyǵa 128,2 mlrd teńge kóleminde aıyppul salynyp, onyń 88,3 mlrd teńgesi óndirildi. Óz kezeginde aıyppuldardyń basym bóligi nemese 4,6 mln aıyppul alǵashqy 7 táýlik ishinde 44,1 mlrd teńge somasyna 50% jeńildikpen tólendi. Aǵymdaǵy jyldyń ótken kezeńinde ákimshilik aıyppuldardy óndirip alý kórsetkishi 68,8% qurady”, – delingen habarlamada.
Eń kóp aıyppul salynǵandar:
Almatyda – 1 mln quqyq buzýshylyq tirkelip, 16,8 mlrd teńge shamasynda aıyppul salynǵan. Onyń 12,7 mlrd teńgesi tólengen.
Astanada – 12,7 mlrd teńge somasyna 800 myń quqyq buzýshylyq, 8,6 mlrd teńge tólendi.
Eń az Pavlodar oblysynda 11,8 mlrd teńge somasyna 92 myń aıyppul salynǵan, onyń 11,3 mlrd teńgesi tólengen.
Barlyq ákimshilik quqyqbuzýshylyqtardyń 95%-yn ishki ister organdary anyqtaǵan.
İshki ister organdary 5,3 mln quqyq buzýshyǵa shamamen 68,4 mlrd teńge kóleminde aıyppul salǵan, onyń ishinde memleket búdjetine 51,7 mlrd teńge túsken.
Aıyppuldardyń negizgi bóligin foto-beınetirkeý kameralarymen tirkelgen quqyq buzýshylyqtar qurady, olar boıynsha 38,1 mlrd teńge somasyna 3,4 mln astam uıǵarym shyǵaryldy.