Balalardyń tegin jol júrýi otbasylar úshin saıahat shyǵyndaryn edáýir azaıtady.
«Qazaqstan Temir Joly» UK AQ erejelerine sáıkes, balaǵa jeke oryn qajet bolǵan jaǵdaıda, bılet satyp alý qajet, dep habarlaıdy Almaty-akshamy.kz
«Balalar bıleti 7 jastan 15 jasqa deıingi balalarǵa alynýy kerek jáne olardyń quny eresekter bıletiniń jarty baǵasyna teń. 15 jastan bastap balaǵa eresek bılet satyp alynady», - delingen kompanıa habarlamasynda.
Bul rette 15 jasqa deıingi balalar mindetti túrde zańdy ókilderimen birge nemese senimhat boıynsha júrýi tıis. Al 15 jastan bastap olar ózdiginen júre alady.
«Eger birneshe bala bolsa, onda siz olardyń bireýin ǵana tegin alyp júre alasyz, tek ol bólek oryn almaýy kerek. Bólek oryn úshin bılet kerek», - delingen saıtta.
Memleketaralyq tasymaldarǵa keletin bolsaq, bes jasqa deıin balalar oryn usynbaı tegin júre alady; bes jastan 10 jasqa deıin jol júrý quny - balalar tarıfi boıynsha; 10 jastan 15 jasqa deıin Qazaqstan ishinde bılet quny tolyq qunnyń 50 paıyzyn, al basqa memleketterdiń aýmaqtary boıynsha tolyq tarıfti quraıdy.