Júıeli jumys júrgizilip jatyr.
Qazaqstan Úkimeti Ulttyq biliktilik júıesin damytý boıynsha júıeli jumys júrgizip jatyr, dep habarlaıdy Almaty-akshamy.kz.
«QR Eńbek jáne halyqty áleýmettik qorǵaý mınıstrligi Memleket basshysynyń qyzmetkerlerdi quzyretterdi turaqty arttyrýǵa yntalandyrý jáne olardyń biliktilikterin taný máselelerin retteý jónindegi tapsyrmasyn oryndaý sheńberinde Ulttyq biliktilik júıesin damytý boıynsha júıeli jumys júrgizýde», - delingen Eńbekmıni baspasóz qyzmetiniń habarlamasynda.
Qazaqstandyq qoǵamnyń damý úrdisteri, óndiristiń jańa túrleriniń jáne jumyspen qamtý túrleriniń paıda bolýy ekonomıkanyń túrli baǵyttarynda bilikti kadrlarǵa jańa suranys qalyptastyrady. Jumys berýshiler tarapynan daıyndyq deńgeıi men daǵdylarǵa qoıylatyn talaptardyń artýy kóbinese jumysqa ornalasýǵa muqtaj mamandardyń kásibı quzyretterine sáıkes kelmeıdi.
Eńbek naryǵynyń teńgerimdiligin jáne mamandardyń biliktiliginiń jumys berýshilerdiń suranysyna sáıkestigin retteý úshin kásiptik standarttardy ázirleý jáne ózektendirý júrgizilýde. Budan ári olar mamandardy daıarlaý, qaıta daıarlaý jáne biliktiligin arttyrý úshin bilim berý mekemeleriniń oqý baǵdarlamalaryn ázirleý úshin paıdalanylatyn bolady.
Kásiptik standarttardy ázirleý jáne qaıta qaraý boıynsha jobalaý komandalaryn úılestirý, ádisnamalyq qoldaý jáne súıemeldeý maqsatynda «Eńbek resýrstaryn damytý ortalyǵy» AQ bazasynda osy jyldyń mamyr aıynda barlyq salalyq memlekettik organdardy, «Atameken» UKP men jumys berýshiler qaýymdastyǵyn tarta otyryp, UBJ damytý jónindegi jobalaý keńsesi quryldy.
«2022-2025 jyldar aralyǵynda ekonomıkanyń basym salalaryn: bilim berý, densaýlyq saqtaý, ónerkásip, áleýmettik sala, kólik jáne logıstıka, týrızm, qurylys jáne t. b. ózekti kásibı standarttarmen qamtamasyz etý boıynsha úlken jumys júrgizý josparlanýda. Talap etiletin mamandyqtar boıynsha mamandardy sapaly daıarlaý úshin joǵary oqý oryndary men kolejderdiń bilim berý baǵdarlamalary jańartylatyn bolady. «Kásiptik biliktilikter týraly» zań jobasyn eskere otyryp, kásibı biliktilikterdi baǵalaý jáne taný júıesi damıtyn bolady», – dedi jobalaý keńsesiniń basshysy Erasyl Jumanbaev.
Jobalaý keńsesi qyzmeti sheńberinde sarapshy-ádiskerlerdiń qatysýymen memlekettik organdardyń jumys toptarymen kúndelikti kezdesýler, sondaı-aq EHÁQM basshylyǵynyń tóraǵalyǵymen basqarýshy komıtettiń apta saıynǵy otyrystary ótkiziledi.