Polıseılerdiń toqtaý týraly zańdy talabyna júrgizýshi baǵynbady
Qyzmettik mindetterin atqarý kezinde bılik ókiline qatysty zorlyq-zombylyq jasady degen kúdiktiler ustalyp, ýaqytsha ustaý ızolátoryna qamaýǵa alyndy. Úsheýi de Túrkistan oblysy Tólebı aýdanynyń turǵyndary, dep habarlaıdy Almaty-akshamy.kz Polisia.kz-ke silteme jasap.
Esterińizge sala keteıik, qadaǵalaý organynyń ókiline shabýyl jasaldy. Ol Kóksaıek aýylyna beıbit jınalystar ótkizý tártibi týraly zańnamany túsindirý úshin kelgen bolatyn. Olar VAZ-2103 kóligimen qashyp ketýge tyrysqan aýyl turǵyndarynyń kóligin qýǵan polısıa qyzmetkerlerine narazylyq bildirgen.
Polıseılerdiń toqtaý týraly zańdy talabyna júrgizýshi baǵynbady. Toqtaýdyń ornyna basqa jol qozǵalysyna qatysýshylarǵa qaýip tóndirdi. Onymen qoımaı júrgizýshi jyldamdyqty arttyryp, boı tasalaýǵa tyrysty. Osydan keıin júrgizýshi kólikti ıgere almaı, basqa kóliktermen soqtyǵysqan.
Apat saldarynan VAZ-2103 avtokóliginiń júrgizýshisi oqıǵa ornynda qaıtys boldy, onyń jolaýshysy men Audi 100 kóliginiń júrgizýshisi ártúrli dene jaraqattarymen aýrýhanaǵa jatqyzyldy.
Qazirgi ýaqytta QR QK 380-babynyń 3-bóligi boıynsha sotqa deıingi tergeý júrgizilýde. Osy baptyń sanksıasy tórt myń aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne bir myń saǵatqa deıingi merzimge qoǵamdyq jumystarǵa tartýǵa ne eki jyldan tórt jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalaýdy kózdeıdi.
Aýyldyń úsh kúdikti turǵyny ýaqytsha ustaý ızolátoryna qamaldy. Jol-kólik oqıǵasyna qatysty fakt QR QK 345-babynyń 3-bóligi boıynsha tirkeldi, tıisti saraptamalar júrgizilýde. Tergeý nátıjeleri boıynsha oqıǵanyń barlyq qatysýshylarynyń is-áreketterine quqyqtyq baǵa beriletin bolady. İs oblys PD basshylyǵynyń baqylaýynda.