Qujattardy kez kelgen JOO arqyly tapsyrýǵa bolady.
Qabyldaý komısıalarynyń jumysy demalys kúni de jalǵasyn tapty, dep habarlaıdy Almaty-akshamy.kz
Qujattardy qabyldaý
Sonymen qatar Ǵylym jáne joǵary bilim mınıstrligi bilim berý granttaryn taǵaıyndaý konkýrsyna qujattardy qabyldaý eGov arqyly onlaın formatta júzege asyrylatyndyǵyn esterińizge salyp otyr. Sondaı-aq JOO-da vırtýaldy qabyldaý komısıalary jumys isteıdi.
Qansha grant bólindi?
“Bıyl bakalavrıatqa túsý úshin 79 myńǵa jýyq grant bólinip otyr. Granttardyń basym bóligi «Injenerlik, óńdeý, qurylys salalary» bilim berý baǵdarlama toptaryna bólindi, olardyń sany 19 344 grantty quraıdy. Al «Pedagogıkalyq ǵylymdarǵa» – 13 735 grant, «Aqparattyq-kommýnıkasıalyq tehnologıalar» salasyna – 10 903 grant, «Jaratylystaný ǵylymdary, matematıka jáne statısıka» baǵytyna – 8 288 grant tıesili”, delingen mınstrliktiń habarlamasynda.
Alǵash ret ishinara oqý aqysy bar saralanǵan granttar engizildi. «Pedagogıkalyq ǵylymdar» jáne «Áleýmettik ǵylymdar, jýrnalısıka jáne aqparat» baǵyttary boıynsha 150 saralanǵan granttan bólingen.
“Serpin” baǵdarlamasy
Sondaı-aq «Serpin» baǵdarlamasy arqyly túsýshilerge 3 903 grant bólingen. Granttar tiziminde 5 000 halyq tyǵyz qonystanǵan jáne batys óńirlerdiń jastaryn jetekshi joǵary oqý oryndarynda oqytý úshin maqsatty bilim berý granty bar.
Eske sala ketsek, 139 myńǵa jýyq talapker UBT-da shekti bal jınaǵan, olar grant konkýrsyna qatysa alady. Bilim berý granty ıegerleriniń tizimi 10 tamyzǵa deıin jarıalanady.