Almaty qalasynyń № 7 qalalyq klınıkalyq aýrýhanasynda neırohırýrg- dárigerler 37 jastaǵy áıeldiń aıaǵynyń qozǵalys qyzmetin qaıta qalpyna keltirdi. Sátti jasalǵan otadan keıin, aldaǵy ýaqytta ol qaıtadan júre bastaıdy.
Bir jyldan astam ýaqyt buryn áıel jol-kólik apatyna ushyraıdy, sol kezde kóliktiń oryndyqtarynyń ortasyna oń aıaǵy qysylyp qalady. Aıaǵy qysylǵan kúıde 2-3 saǵat otyryp qalady. Aıaǵyn shyǵaryp alǵannan keıin taqym shuńqyrynyń, sannyń jáne jilinshik sıraqtyń tusynda úlken sydyrylǵan jara paıda bolady. Aıaǵy uıyp, aıaǵy men baltyrynyń qımyly múldem joǵalyp ketti. Ol júre de, otyra da almady.
Pasıenttiń aıtýynsha, buryn júrgizilgen emdeý tıisti nátıje bermegen, jaraqat aýmaǵynda úlken kerilgen tyrtyq paıda bolǵan. Aıaǵy uıyp, únemi tońyp turatyn boldy. Áıel dertine em izdep «Jetige» keldi.
Otany tájirıbeli neırohırýrg-dáriger Álimhan Halımov jasady. Dárigerdiń onyń aıtýynsha, áıeldi tekserip-qaraý kezinde baıqaǵanym naýqasta jilinshik pen aıaqtyń bulshyq etteriniń sal aýrýy bastalǵan, aıaqtyń ımpúlsy múldem sezilmedi. Dárigerler muny «uzaq qysylý sındromy» - dep ataıdy. Dárigerler aıaq-qoldyń qyzmetin qalpyna keltirý úshin mıkrohırýrgıalyq operasıa jasaýdy sheshti.
Neırohırýrg –dárigerler tamyrly- neırohırýrg Aleksandr Smolkınmen jáne anestezıolog-reanımatolog dáriger Aqbota Beıbıtovamen birlese, bul óte kúrdeli otany, kásibı turǵyda óte joǵary deńgeıde sátti jasap shyǵady.
«Mundaı uzaq qysylyp qalǵannan keıin teride úlken sydyrylǵan jara paıda bolatyn jaǵdaılar jıi kezdesedi. Keıde kútkenimizdeı barlyq fýnksıalardy tolyq qalpyna keltirý múmkin bolmaı jatady. Biz kerilgen tyrtyqqa rezeksıa jasadyq. Bul otanyń eń qıyny, aıaq-qoldyń nervteri men qan tamyrlaryn mıkrohırýrgıalyq qalpyna keltirý, biz soǵan qol jetkizdik», - dedi Álimhan Halımov.
Dárigerdiń aıtýynsha, mundaı kúrdeli otadan keıin birden ǵajaıyp kútýge bolmaıdy. Naýqastyń tolyq ońalyp ketýi úshin bir jylǵa jýyq ýaqyt kerek. Biraq dárigerler onyń tolyqqandy ómirge oralatynyna senimdi. Aıtpaqshy, dárigerler bul otany MÁMS qarajaty esebinen jasaǵanyn aıtty, óıtkeni ol 2 toptaǵy múgedek retinde saqtandyrylǵan.
Otadan keıingi kezeńde, áıel birtindep aıaq-qolynyń jylýyn sezedi, tabanynda «piskileý» paıda boldy. Tize býynynyń qımyly tolyq kólemde qalpyna keldi.
Pasıentke ońaltý emi usynystary berilip, shyǵarýǵa daıyndap jatyr.