Jelide Aqtóbelik turǵynnyń Reseı Federasıasyna qosylý ıdeıasyn qoldaǵan vıdeosy taraǵan edi.
Aqtóbeniń Reseıge qosylýyn qoldaǵan áıel Qazaqstan halqynan keshirim surady, dep habarlaıdy Almaty-akshamy.kz
Vıdeoda áıel prezıdent Vladımır Pýtınge qatysty suraqqa jaýap beredi.
"Meniń jeke pikirim, men ony jaqsy kóremin, qurmetteımin. Meniń oıymsha, ol - álemdegi eń myqty prezıdent, adam. Kózime jas keledi, men ony qatty jaqsy kóremin jáne qurmetteımin", - dep jaýap berdi ol.
Aqtóbelik turǵyn Aqtóbe oblysyn Reseı Federasıasyna qosý týraly referendým ótse, birden "oń" daýys beretinin aıtqan.
"Vıdeonyń keıipkeri Aqtóbeniń 68 jastaǵy turǵyny ekeni anyqtaldy, onymen profılaktıkalyq áńgime júrgizildi", - dedi oblystyq polısıa departamenti ókilderi.
Keıin jelide áıeldiń Qazaqstan halqyna úndeý jasap, keshirim suraǵan vıdeosy paıda boldy.
"Qazir búkil jelide tarap jatqan vıdeo úshin keshirim suraımyn. Bul vıdeo úshin qatty ókinemin, men, árıne, soǵysqa da, referendýmǵa da qarsymyn. Men Qazaqstanymdy súıemin, bul - meniń Otanym, bul - meniń elim, men balalarymdy osynda dúnıege ákeldim, nemerelerim osynda dúnıege keldi. Biz munda turamyz, bizde bári bar. Bul vıdeo úshin taǵy da keshirim suraımyn. Óıtkeni men arandatýshylyqqa boı aldyrdym jáne oılanbastan jaýap berdim. "Bul beıneni kim taratsa da, bul úshin qatty ókinemin", - dedi ol.