Almaty qalasynyń prokýratýrasy kepildendirilgen tegin medısınalyq kómek kórsetýdiń qoljetimdiligine taldaý júrgizdi
Prokýratýranyń aqparatyna sáıkes, qaladaǵy keıbir emhanalar «aýdıometr» arnaıy medısınalyq qurylǵysymen jetkiliksiz túrde jabdyqtalǵan, dep habarlaıdy Almaty-akshamy.kz QazAqparatqa silteme jasap.
«Densaýlyq saqtaý týraly zańnamada medısınalyq uıymdar estý qabiletiniń buzylýyn ýaqtyly anyqtaý jáne kereńdiktiń dıagnostıkasy úshin 6 jasqa deıingi balalardy aýdıologıalyq skrınıngten ótkizýi kerektigi qarastyrylǵan. Alaıda, taldaý kórsetkendeı, qaladaǵy keıbir emhanalar «aýdıometr» arnaıy medısınalyq qurylǵysymen jetkiliksiz túrde jabdyqtalǵan. Bul azamattar arasynda kezektiń paıda bolýyn jáne narazylyq týǵyzdy. Áýezov aýdany prokýratýrasynyń qadaǵalaý aktisi negizinde qazirgi tańda qaladaǵy 7 emhana «aýdıometrmen» jabdyqtaldy. Qalǵan medısınalyq uıymdarǵa qatysty taldaý júrgizilýde», - delinedi prokýratýra habarlamasynda.