Memlekettik keńesshi Erlan Qarın osylaı dep pikir bildirdi, dep habarlaıdy almaty-akshamy.kz
Bir jyl buryn qazaqstandyqtardyń basym bóligi, ıaǵnı azamattardyń 77,18 paıyzy respýblıkalyq referendýmda el Konstıtýsıasyn ózgertý týraly zań jobasyn jaqtap daýys berdi, dep jazdy Memlekettik keńesshi Erlan Qarın óziniń áleýmettik paraqshasynda.
Konstıtýsıaǵa engizilgen túzetýler Prezıdent, Parlament jáne sot ınstıtýttaryn reformalaýdy kózdedi. Osylaısha, Memleket basshysynyń 2022 jyldyń 16 naýryzynda jarıalanǵan Joldaýynda aıtylǵan aýqymdy saıası jańǵyrý baǵdarlamasy Konstıtýsıalyq turǵydan bekidi.
Bul referendým Qazaqstan qoǵamy úshin mańyzdy oqıǵa boldy. Óıtkeni biz el damýyndaǵy jańa kezeńge qadam bastyq. Eń bastysy, referendým – qoǵamdyq birigýdiń jańa deńgeıge kóterilgenin kórsetti. Biz ony Prezıdent jáne Parlament saılaýlarynda anyq baıqadyq.
Jalpy, elimizde óte qysqa merzimde júzege asyrylǵan túbegeıli saıası reformalar aımaqtaǵy biregeı qubylysqa aınaldy. Qazaqstan jańa kún tártibin belgilep berdi.
Konstıtýsıalyq reforma men sońǵy saılaý sıkli jańa saıası júıeniń kelbetin qalyptastyrdy. Prezıdenttiń saıası jańǵyrý baǵdarlamasyn iske asyrý jalǵasa beredi. Aldymyzda aýdandar men oblystyq mańyzy bar qalalar ákimderiniń saılaýy tur, - deıdi E.Qarın