Ortasha degen jaqsy baǵa emes
Qymbatshylyq máselesine qatysty Prezıdenttiń syny oryndy. Osylaı degen belgili ekonomıs Maqsat Halyq turaqtandyrý qorlarynyń jumysyn ózgertý mańyz dep atap ótti, dep habarlaıdy Almaty-akshamy.kz Almaty.tv-ge silteme jasap.
Buǵan deıin eldi pandemıadan shyǵarǵan turaqtandyrý qorlary da qazir qosymsha qarjy suraı bastaǵan. Odan áleýmettik taýarlardyń quny artpasa turaqtalǵan joq. Demek bul jerde de qarjyny talan-tarajǵa salatyn belgili bir sqemalar paıda bolǵan deıdi ekonomıs. Ekonomıs forvardtyq kelisimderdi jandandyrý, ıaǵnı sharýalarmen tikeleı baılanys bolýy qymbatshylyqty tejeıtinin aıtty.
«Uzaq merzimge naqty sharýalarmen, aýyl sharýashylyq mamandarymen sóılesý kerek. Olardyń naqty máselelerin bilý kerek. Tuqymnyń baǵasy qymbattap ketken. Sapaly tuqymdardy jetkizip berýdi qamtamasyz etý kerek. Sharýalarǵa tómendetilgen nesıeler men tehnıkalardy jetkizip berý kerek. Mine, osyndaı naqty máselelerdi júzege asyrsa onda baǵalardyń turaqty bolýyna áser etýge bolady», – dedi ekonomıs Maqsat Halyq.
Al belgili tarıhshy Hankeldi Ábjanov Úkimetke ótkirlik jetpeıdi deıdi. Naqty nátıje shyǵarý úshin ujymdarǵa barýy kerek, halyqpen aralasýy tıis. Sonda jumys ónedi degen pikirde.
«Prezıdenttiń Úkimet qyzmetine ortasha dep baǵa bergeni bul Álıhan Smaıylovty, bizdiń mınıstrlerdi qatty oılandyrý kerek. Ortasha degen ol jaqsy baǵa emes. Úlgermeıtin oqýshynyń deńgeıinde degen sóz. Muny Úkimet túsinýi kerek», – dedi tarıh ǵylymdarynyń doktory Hankeldi Ábjanov.