— Prezıdent Qasym-Jomart Kemeluly Toqaev Qazaqstan halqyna kezekti Joldaýyn jarıalady. Ádettegideı bul qujatta osyǵan deıin júzege asqan jumystar qorytyndylanyp, aldaǵy jańa maqsat-mindetter naqtylandy.
Prezıdent bul Joldaýynda da kóptegen áleýmettik-ekonomıkalyq máselelerge toqtaldy. Meniń oıymsha, memleket basshysy óz Joldaýynda halyqty tolǵandyratyn barlyq ózekti máseleni qamtydy. Máselen elde eń tómengi jalaqy ósetin boldy. Prezıdent azamattardyń tabysyn arttyrý úshin 2024 jyldyń 1 qańtarynan bastap eń tómengi jalaqy mólsherin 85 myń teńgege kóterýdi tapsyrdy. Sondaı-aq 5 jastan asqan balalarǵa arnalǵan «Keleshek» atty biryńǵaı erikti jınaqtaý júıesiniń engiziletini qýantty. Budan ózge sý resýrstarynyń jetispeýshiligi, jol jóndeý, ıgerilmegen jerlerdi qaıtarý jáne taǵy basqalar. Sırflandyrý boıynsha birqatar másele kóterildi. Búgingi kúnniń ózinde kóptegen qyzmetti úıde otyryp-aq alýǵa múmkindik bar. Bul degenimiz – damý men alǵa jyljýdyń aıqyn kórinisi.
Biz Prezıdenttiń baǵytyn tolyq qoldaımyz. Jalpy joldaýda aıtylǵan barlyq mindetter – bul eldiń damýyna tyń serpin beretin ýaqytyly sharalar dep bilemin. Qoryta aıtar bolsam, bul Joldaý qazaqstandyqtardyń eń ózekti saýaldaryna naqty jaýabyn berdi dep esepteımin.