Tájikstan men Ózbekstannyń 30 azamaty QR-nyń kóshi-qon zańnamasyn buzǵany úshin elden shyǵaryldy, – dep habarlaıdy Almaty-akshamy.kz Polisia.kz-ke silteme jasap.
Polısıa qyzmetkerleri “Ýchaske” jedel aldyn alý is-sharasy barysynda zańsyz júrgenderdi anyqtady.
Qalada is-sharanyń 18 kúniniń ishinde elimizdiń kóshi-qon zańnamasyn buzǵan 2 380 adam anyqtaldy, olardyń 813-i sheteldik azamattar. Olar QR ÁQBtK-niń 517-baby boıynsha ákimshilik jaýapkershilikke tartyldy. PD-nyń qabyldap-taratýyna jeke basyn kýálandyratyn qujattary joq 387 shetel azamaty ornalastyryldy. Sonymen qatar sheteldikterdiń Qazaqstanda bolýynyń zańdylyǵyn qamtamasyz etpegen 349 azamatqa qatysty ákimshilik shara qoldanyldy, – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.
Sondaı-aq polısıa qyzmetkerleri jaqynda 30 quqyq buzýshyny memlekettik shekaraǵa jetkizýdi uıymdastyrdy. Osy maqsattar úshin kóp oryndyqty avtobýs qarastyrylǵan.Olar “Jibek joly” baqylaý-ótkizý beketinde memlekettik shekaraǵa deıin jetkizildi.