Prezıdenttik jastar kadr rezerviniń resmı saıtynda testileýdiń kelesi blogy – «Sandyq aqparatpen jumys isteý qabiletin baǵalaýǵa» jiberilgen úmitkerler tizimi jarıalandy, dep habarlaıdy Almaty-akshamy.kz.
Elorda.info-nyń málimetinshe, qazanda ótken «Mátindik aqparatpen jumys isteý qabiletin baǵalaý» testileýine 6 404 úmitker tirkelip, onyń 5 398-i qatysty. Úmitkerler mátindik aqparatty taldaý qabiletin anyqtaý testinen ótti.
Kelesi kezeńge ótken tulǵalardyń tolyq tizimi pkrezerv.gov.kz resmı saıtynda qoljetimdi.
İrikteý tártibine sáıkes kelesi testileý – «Sandyq aqparatpen jumys isteý qabiletin baǵalaýǵa» qatysýshylardyń jalpy sanynyń 50% jiberiledi. Birneshe úmitkerdiń nátıjesi birdeı bolǵan jaǵdaıda kelesi testileý blogyna kóbirek qatysýshylar sany jiberilýi múmkin.
Osylaısha, testileýdiń ekinshi blogy «Sandyq aqparatpen jumys isteý qabiletin baǵalaýǵa» eń jaqsy nátıje kórsetken 2 967 úmitker jiberildi.
Testileýdiń ekinshi blogy 7 qazanda ótedi. Ol úmitkerdiń kesteler, grafıkalar jáne dıagramlar túrindegi sandyq aqparatpen jumys isteý qabiletin anyqtaýǵa baǵyttalǵan 25 test tapsyrmasynan turady.
«Sandyq aqparatpen jumys isteý qabiletin baǵalaý» testileýine jiberilgen barlyq úmitkerler 6 qazan saǵat 23:59-ǵa deıingi merzimde (Astana ýaqyty boıynsha) óziniń jeke kabınetinde test tapsyrý ýaqytyn tańdaýy qajet.