Birer aıda halqymyzdyń sany 20 mıllıonǵa jetedi degen boljam bar.
Qazir elde jyl saıyn 400 myńnan astam bala dúnıege keledi. Tıisinshe, oqýshylardyń sany eki ese kóbeıýi múmkin, dep habarlaıdy Almaty-akshamy.kz 24.kz-ke silteme jasap.
Bul týraly memleket basshysy ustazdardyń alqaly jıynynda aıtty. Aldaǵy úsh jylda 1 mıllıonnan astam jetkinshek stýdent bolady. Endi bilim ordalarynyń tapshylyǵyn sheshý kerek. 2 jyldyń ishinde, úsh aýysymmen oqytýdan birjola qutylamyz. Prezıdenttiń usynysymen, kásipkerler de, mektep qurylysyna belsene kirisedi degen senim bar.
«Jaqynda ǵana men elimizdiń kásipkerlerimen kezdesý barysynda qaıyrymdylyq retinde oblystarda, qalalarda mektep salý kerektigi týraly máseleni qozǵadym. Bul – azamattyq jaýapkershilik degen sóz. Sondyqtan bizdiń kásipkerlerimiz osy jumysqa belsendi túrde kirisedi dep oılaımyn. Budan bólek, sybaılas jemqorlyq úshin jaýapqa tartylǵandardyń zańsyz tapqan tabysy mektep salýǵa jumsalyp jatyr. Qazirdiń ózinde 13 mektep salyndy. Jyl sońyna deıin taǵy da 33 mektep boı kóteredi», - deıdi Qazaqstan Respýblıkasynyń Prezıdenti Qasym-Jomart Toqaev.