Reformany tolyqqandy júzege asyrý úshin alty zań qabyldandy.
Ádilet mınıstriniń orynbasary Alma Muqanova Prezıdent quziretin shekteıtin zań normalary týraly aıtty, dep habarlaıdy Almaty-akshamy.kz Baq.kz.
«Memleket basshysy 16 naýryzdaǵy halyqqa Joldaýynda saıası ınstıtýttardy jańartý máselesin kóterdi. Atap aıtqanda, prezıdenttiń birqatar ókilettigin qysqartý, Parlamentti kúsheıtý jáne ony qalyptastyrý modelin ózgertý usynyldy. Sonymen qatar saılaý júıesin jetildirý jáne memlekettiń quqyq qorǵaý ınstıtýttaryn kúsheıtý kerektigi aıtyldy. Reformany tolyqqandy júzege asyrý úshin alty zań qabyldandy. Aldymen prezıdent ókilettigine qatysty túzetýler. Prezıdenttiń jergilikti atqarýshy organdar men joǵarǵy sot keńesine qatysty jekelegen ókilettigi men Parlament Senatyndaǵy «prezıdenttik kvota» qysqartyldy», - dedi Alma Muqanova.
Aıtýynsha, prezıdenttiń jaqyn týystaryna laýazymdy qyzmet atqarýǵa shekteý engizilgen.
«Sol sıaqty Parlament Senatynyń depýtattaryn, Konstıtýsıalyq jáne joǵary sot keńesiniń tóraǵalaryn taǵaıyndaý jónindegi Prezıdenttiń ókilettigin ózgertýge qatysty normalar kózdelgen. Prezıdenttiń qaıta saılaý quqyǵynsyz jeti jyl merzimge saılanatyndyǵy týraly Konstıtýsıanyń jańa erejelerine sáıkes keltirýge baǵyttalǵan normalar bekitildi», - deıdi Muqanova ortalyq komýnıkasıalar alańynda ótip jatqan brıfıńte.