Qasym-Jomart Toqaev poıyzdyń tambýrynda Ulttyq ulan sarbazyn belgisiz adamdardyń soqqyǵa jyǵylǵan vıdeojazbasymen tanysyp, kinálilerdi jazaǵa tartýdy tapsyrdy. Bul týraly Prezıdenttiń keńesshisi — baspasóz hatshysy Berik Ýálı habarlady.
Berik Ýálıdiń aıtýynsha, Toqaev ishki ister mınıstri Erjan Sadenovke quqyqbuzýshylardy ustap, qazaqstandyq zańnamaǵa sáıkes jaýapkershilikke tartý boıynsha shuǵyl sharalar qabyldaýdy tapsyrǵan.
«Armıada jáne basqa da kúsh qurylymdarynda oryn alǵan barlyq zorlyq-zombylyq faktileri Memleket basshysynyń baqylaýynda. Prezıdent 2 qyrkúıektegi Joldaýynda jas sarbazdardyń densaýlyǵy men abyroıyna nuqsan keltirýdi boldyrmaý qajettigin atap ótip, osy máselede barlyq jaýapkershilik áskerı bólimder komandırlerine júkteletinin qadap aıtty», — dep jazdy Ýálı.
İshki ister mınıstrliginiń málimetinshe, oqıǵa 2023 jyldyń kúzinde, áskerı qyzmetin aıaqtap, zapastaǵy sarbazdar úılerine qaıtyp kele jatqan kezde oryn alǵan.
«23 qyrkúıekte Qazaqstan Respýblıkasy Qylmystyq kodeksiniń 440-baby boıynsha "Áskerı qyzmetshiler arasyndaǵy jarǵyǵa saı emes qarym-qatynastardy buzý" faktisimen qylmystyq is qozǵaldy. Kýágerler, jábirlenýshi jáne kúdiktiler anyqtaldy. Kúdiktilerdi ustaýǵa baǵyttalǵan sharalar kesheni qabyldandy. Tergeý İshki ister mınıstriniń jeke baqylaýynda», — delingen málimdemede.