QR Prezıdenti Qasym-Jomart Toqaev bir aıdan keıin alǵashqy otyrysy ótetin Ulttyq quryltaıdyń quramyna kimder kiretinin aıtty, dep habarlaıdy Almaty-akshamy.kz QazAqparatqa silteme jasap.
«Quryltaı jalpyulttyq dıalogtyń ámbebap modeline aınalady. Quryltaı quramyna depýtattar, Assambleıa músheleri, sarapshylar men quqyq qorǵaýshylar, barlyq óńirlerdiń, sondaı-aq azamattyq alánstyń, qoǵamdyq keńesterdiń, úkimettik emes uıymdardyń, bıznes-qaýymdastyqtardyń jáne óndiris salasynyń ókilderi kiredi», - dedi Memleket basshysy Qazaqstan halqy Assambleıasynyń HHHİ sesıasynda.
Prezıdenttiń paıymynsha, Qazaqstan halqy Assambleıasy osy múmkindikti birlik pen kelisimdi nyǵaıtý jolynda tolyǵymen paıdalanýy kerek.
«Assambleıa Ulttyq quryltaımen birlesip, tıimdi jumys isteýi kerek. Sebebi, túptep kelgende, ekeýiniń maqsaty – ortaq. Aýqymdy ózgeristerge jastardyń da belsene qatysqany abzal. Keshe tuńǵysh ret Qazaqstan halqy Assambleıasynyń Jastar sesıasy ótti. Onyń usynymdaryn muqıat zerdeleý qajet», - dedi Qasym-Jomart Toqaev.