Joldaýdy qoldaý.
Fılosofıa, saıasattaný jáne dintaný ınstıtýty saıası zertteýler ortalyǵy dırektorynyń orynbasary Nurken Aıtymbetov ulttyq ekonomıkany alǵa jyljytpaıtyn máselelerdi atap ótti. Onyń aıtýynsha, Prezıdent óziniń Joldaýynda bul máselelerdi sheshý joldaryn kórsetip ketken.
«Myna reformanyń birinshi tizimin jańa ekonomıkalyq saıasat dep ataýy teginnen-tegin emes. Prezıdenttiń aıtýy boıynsha, jalpy ekonomıkany artqa súıreıtin birneshe faktorlar bar. Naqty aıtar bolsaq, ol - shıkizatqa táýeldilik, sonymen qatar, sıfrlandyrý salasynyń áli de tolyqtaı iske aspaýy, salyq salasynyń anyq, naqty emestigi. Osyndaı ulttyq ekonomıkany artqa súıreıtin problemalardy joıý úshin Prezıdent óziniń birneshe sheshimin usyndy. Ol - adam kapıtalyn damytý, sıfrovızasıa salasynda avtomatızasıany kúsheıtý, barlyq salaǵa aldyńǵy qatarly sıfrly tehnologıalardy engizý. Óıtkeni bul degenimiz tabysty bólýdiń ashyqtyǵyn, ádildigin qamtamasyz etedi», - deıdi Fılosofıa, saıasattaný jáne dintaný ınstıtýty saıası zertteýler ortalyǵy dırektorynyń orynbasary Nurken Aıtymbetov.