Memleket basshysyna Ulttyq banktiń bıylǵy birinshi jartyjyldyqta júzege asyrǵan aqsha-kredıt saıasatynyń aldyn ala qorytyndylary jóninde esep berildi, dep habarlaıdy Almaty-akshamy.kz.
Qasym-Jomart Toqaevqa álemdegi jáne Qazaqstandaǵy ekonomıkalyq ahýal, ınflásıa faktorlary men ony tómendetý úshin qabyldanyp jatqan sharalar, tólem balansynyń dınamıkasy, sondaı-aq BJZQ, Ulttyq qor aktıvteri men altyn-valúta rezervteriniń jaı-kúıi týraly baıandaldy.
Ǵalymjan Pirmatovtyń aıtýynsha, Ulttyq bank qabyldaǵan sharalardyń nátıjesinde ınflásıa báseńdep keledi jáne bank boljamyna saı qalyptasyp otyr. Sonymen qatar Prezıdentke Ashyq bankıng tujyrymdamasyn qoldanysqa engizý jáne tólem naryǵyn retteý máseleleri jóninde málimet berildi.
Kezdesý sońynda Memleket basshysy aqsha-kredıt saıasatyn tıimdi iske asyrýǵa baǵyttalǵan mindetter júktedi.