«Zam-Zam Qazaqstan» týrısik kompanıasynyń basshysy Danıar Ilıevke qatysty.
«Zam-Zam Qazaqstan» (zańdy ataýy – «Zam Zam store») kompanıasynyń jalǵan qujat rásimdep, qajylardy zańsyz jolmen Saýd Arabıasyna aparyp, jerlesterimizge jábir kórsetken áreketi qoǵamnyń nazaryn aýdardy, dep habarlaıdy Almaty-akshamy.kz. QMDB Ortalyq apparatyna silteme jasap.
Alaıda «Zam-Zam Qazaqstan» kompanıasynyń jetekshisi Danıar Ilıev óziniń sharıǵatqa jáne zańǵa qaıshy áreketin moıyndamaı, múftıatqa jala jabýmen shektelýde.
Ol «31 arna» telearnasynyń «50/50» áleýmettik tok-shoýynyń 2023 jylǵy 29 maýsym kúngi efırine bergen suhbatynda eshqandaı dálelsiz, sóz jaýapkershiligin sezinbeı «múftıat týrfırmalardan ár qajy úshin 500 dollar para alady» degen mazmunda aýyr jala jabýda.
Múftıat bul aqparattyń jalǵan ekendigin jáne Qazaqstan Respýblıkasynyń Ákimshilik quqyq buzýshylyq týraly Qazaqstan Respýblıkasynyń 2014 jylǵy 5 shildedegi № 235-V QRZ kodeksiniń 73-3 (jala jabý, ıaǵnı basqa adamnyń abyroıy men qadir-qasıetine nuqsan keltiretin nemese onyń bedelin túsiretin kórineý jalǵan málimetter taratý, kópshilik aldynda nemese buqaralyq aqparat quraldaryn nemese telekomýnıkasıalar jelilerin paıdalana otyryp jasalǵan dál sol is-áreket) «Jala jabý» babyna sáıkes D.Ilıevtiń ústinen sotqa shaǵym túsiretinin habarlaıdy.
«Sonymen qatar quqyq qorǵaý organdary qajylardy osyǵan deıin aldap, dalada qaldyrǵan atalǵan kompanıanyń zańsyz áreketterine tez arada nazar aýdaryp, zań buzýshylardy quqyqtyq jaýapkershilikke tartý boıynsha tıisti sharalar qoldanady dep senemiz.
Qazaqstan azamattaryn aldaǵy jyldary osy sekildi alaıaqtardyń tuzaǵyna túsip qalmas úshin, qajylyq konkýrsynan ótken, ıaǵnı qajylyq saparyn uıymdastyrýǵa qabiletti dep tanylǵan, múftıat jarıalaǵan tizimge saı týroperatorlar qyzmetine júginý qajettigin taǵy da qaperge salamyz», - delingen QMDB habarlamasynda.