Memleket basshysy Qasym-Jomart Toqaev Úkimettiń keńeıtilgen keńesinde turaqtandyrý qorlarynyń jumysyn synǵa aldy, dep habarlaıdy Almaty-akshamy.kz.
«Otandyq ónim kólemin arttyrýdan bólek baǵanyń kúrt ósýin boldyrmaý úshin turaqtandyrý qorlaryn durys paıdalaný qajet. Búginde olar shashyrańqy ári jabyq áreket etip otyr. Sybaılas jemqorlyq sqemalary udaıy áshkere bolyp jatyr. Sondyqtan Azyq-túlik korporasıasy men áleýmettik-kásipkerlik korporasıalardaǵy turaqtandyrý qorlarynyń negizgi mańyzǵa ıe taýar baǵasyn ıntervensıalaý men satyp alýdaǵy áleýetin paıdalanyp, úılestirý jumystaryn kúsheıtý kerek», - dedi Prezıdent.
Memleket basshysynyń paıymdaýynsha, bul baǵyttaǵy tásilderdiń birizdiligi, memlekettik kompanıalardyń baǵa aýytqýyn tómendetýge baǵdarlanýy ınflásıaǵa qarsy naryqtyq qural qalyptastyrýǵa múmkindik bermek.