Úkimettiń keńeıtilgen otyrysynda Prezıdent balalarǵa qatysty qylmystardyń kóbeıip ketkenin aıtty, dep habarlaıdy Almaty-akshamy.kz Ulysmedia.kz-ke silteme jasap.
«Taǵy bir nazar aýdaratyn másele – jas urpaqtyń qaýipsizdigi. Balalarǵa qatysty jantúrshigerlik qylmystar jıilep ketti. Mundaı oqıǵalar mektepte, kóshede, tipti, úıde bolyp jatyr. Soraqy jaǵdaılar oqýshylardyń ózine qol jumsaýyna sebepker bolyp otyr. Tipti ata-analardyń ózderi balasyna qorlyq kórsetip, onyń arty qaıǵyly jaǵdaıǵa ulasyp jatady. Otbasyndaǵy zorlyq-zombylyqtyń aldyn alý jumysy álsiz. Jaýapty mekemeler men quqyq qorǵaý organdarynyń qyzmeti oıdaǵydaı nátıje bergen joq. Turmystyq zorlyq-zombylyqtyń aldyn alý saıasatyn qaıta qaraýymyz kerek», – dedi Toqaev.
Memleket basshysy áıelder men balalardyń quqyqtaryn qorǵaý sharalaryn zańmen kúsheıtý kerektigin aıtty.
«Otbasy qundylyqtaryn dáripteý isine erekshe kóńil bólgen jón. Taǵy da eskertemin, biz qoǵamdaǵy, kóshedegi, tipti ár úıdegi qaýipsizdikti qamtamasyz etpesek, damyǵan elderdiń qataryna qosylýymyz qıyn bolady. Azamattarymyz erkin júrip-turatyn qaýipsiz qoǵam qurýymyz qajet», – dedi prezıdent.
Aıta keteıik, jýyrda Óskemendegi saýda ortalyqtarynyń birinde jasóspirim qyzdardyń óz qatarlastaryn uryp-soqqan, tizerlep otyrǵyzyp, sheshindirgen vıdeosy tarady. Atalǵan oqıǵaǵa baılanysty QR Qylmystyq kodeksiniń 293-babynyń 2-bóligi boıynsha sotqa deıingi tergeý amaldary júrip jatyr.