Qazaqstanda júzege asyrý perspektıvalary talqylandy.
Memleket basshysy Yildirim Holding kompanıalar tobynyń prezıdenti ári bas dırektory Robert Iýksel Iyldyrymdy qabyldady, dep habarlaıdy Almaty-akshamy.kz Aqordaǵa silteme jasap.
Kezdesýde hımıa ónerkásibi salasyndaǵy birlesken birqatar ınvestısıalyq jobany Qazaqstanda júzege asyrý perspektıvalary talqylandy.
Robert Iýksel Iyldyrym Qasym-Jomart Toqaevqa Jambyl oblysy Sarysý aýdanyndaǵy kálsı qosylǵan soda shyǵaratyn zaýyt qurylysynyń barysy týraly málimet berdi. Jobanyń quny – 400 mıllıon dollar.
Sonymen qatar túrik kásipkeri Memleket basshysyna Aqtóbe oblysyndaǵy «Vosqod» ken ornynda hrom konsentratyn óndirýge jáne ónim shyǵarýǵa qatysty ınvestısıalyq jobanyń júzege asyrylýy, elimizdiń birqatar óńirinde qatty paıdaly qazbalardy barlaý jónindegi «Qazgeologıa» aksıonerlik qoǵamymen birlesken jumystary týraly aıtty.
Kezdesý sońynda Qasym-Jomart Toqaev Túrkıamen ózara tıimdi yntymaqtastyqty nyǵaıtý mańyzdy ekenin atap ótip, kompanıanyń elimizdegi ınvestısıalyq jumystaryn qoldaıtynyn jetkizdi.
