Prezıdent elshilerge elimizde ıgi mindetterin oryndaýda Qazaqstan Úkimetiniń qoldaý kórsetetinin jetkizdi.
Aqorda rezıdensıasynda bes memlekettiń Tótenshe jáne Ókiletti Elshileriniń Qazaqstan Prezıdentine senim gramotalaryn tapsyrý rásimi ótti, dep habarlaıdy Almaty-akshamy.kz Aqorda saıtyna silteme jasap.
Memleket basshysyna Lıvıa Elshisi Aladdın Abdýlsalam Lehýaık, Kýveıt Elshisi Omar Ahmed Muhammed Mýrad Ál-Kandarı, Slovakıa Elshisi Robert Kırnag, Aljır Elshisi Kamal Fenısh jáne Kenıa Elshisi Benson Genrı Oýma Ogýtý senim gramotalaryn tabys etti.
Qasym-Jomart Toqaev dıplomattarmen áńgimelesý kezinde olardy elimizdegi dıplomatıalyq mısıasynyń resmı bastalýymen quttyqtap, Qazaqstanmen ekijaqty qarym-qatynasty damytýǵa úles qosatynyna senim bildirdi.
Memleket basshysy Qazaqstan dostyq jáne ózara tıimdi qarym-qatynastardy damytýǵa baǵyttalǵan beıbit jáne ashyq syrtqy saıasat júrgizip jatqanyn atap ótti.
İs-shara sońynda Prezıdent túrli baǵyttaǵy birlesken jobalardy júzege asyrýda múmkindikterdiń bar ekenin aıtyp, Elshilerge elimizde ıgi mindetterin oryndaýda Qazaqstan úkimetiniń qoldaý kórsetetinin jetkizdi.