Jańa oqý jylymen qatar kelgen kúzdiń alǵashqy kúninde Prezıdent Qasym-Jomart Toqaev halyqqa kezekti Joldaýyn joldady.Shyndyǵynda elimizge túbegeıli saıası reformalar men qatar naqty ózgerister kerektigin, sonyń alǵysharttarynyń júzege asa bastaǵanyn baıqaýǵa bolady.
Bul Joldaýdy Prezıdentimizdiń saıası reforma arqyly qoǵamdy túbegeıli ózgertip, satyly túrde jalǵastyrýy dep qaraýǵa bolady. Joldaý «Ádiletti memleket. Birtutas ult. Berekeli qoǵam» - dep ataldy.
Onda: «Elimizdiń basty qundylyǵy – adam. Bul – aıqyn nárse. Sondyqtan ulttyq baılyqty teń bólý jáne barshaǵa birdeı múmkindik berý – reformanyń basty maqsaty. Ult saýlyǵy jaqsy bolsa ǵana, qoǵam ornyqty damıdy. Densaýlyq saqtaý salasynda biraz reforma júrgizildi. Degenmen onyń jaǵdaıy áli de máz emes. Árıne, jyldar boıy qordalanǵan túıtkilder bir mezette sheshilmeıdi. Sondyqtan mańyzdy máselelerdi retke keltirýge basa mán bergen jón» dep qadap aıtty Qasym-Jomart Kemeluly.
Prezıdent qazaq jáne orys tilderin oqytý máselesi boıynsha kópshiliktiń pikirtalasyna da jaýap berdi.
«Qoǵamda qazaq jáne orys tilin mektepte oqytý máselesi boıynsha pikirtalas bolyp jatyr. Naqty aıtaıyn: biz qazaq tilin de, orys tilin de jaqsy biletin balalardy tárbıeleýimiz qajet. Sebebi, bul urpaqtyń múddesi úshin kerek. Oqý-aǵartý mınıstrligi popýlıserdiń jeteginde ketpeı, balalardyń múddesin qorǵaýǵa tıis. Bilimdi jáne birneshe tildi meńgergen urpaq bolashaqqa senimmen qadam basady. Bizdiń kúshimiz – jastardyń biliminde», - dedi Prezıdent.
Memleket basshysy sonymen qatar jahandyq ǵylymı-tehnıkalyq damý barysyn eskerip, joǵary synyptarda jaratylystaný-matematıka pánderin jáne aǵylshyn tilin oqytýdy barynsha kúsheıtýdiń mańyzdy ekenin atap ótti.
Prezıdentimizdiń bul kezekti Joldaýynda nyq qadam, batyl sheshimge bel býǵan, úlken oılar aıtyldy. Mańyzdy bastamalar qolǵa alynyp, eldiń senimine selkeý túsirmeıtin naqty is-sharalardyń tezirek júzege asýyn kúteıik. Biz kún tártibine qoıǵan mańyzdy sheshimderge qosylyp qana qoımaı ony naqty qoldaýǵa tıispiz. Osynyń bári el kútken ıgi isterge bastaý bolary anyq. Eń bastysy, ekinshi Respýblıkany qurýdaǵy basty baǵdarymyzdy anyqtaıtyn naqty isterdiń kýási bolaıyq.