Kezdesýde qazaq-amerıka qatynastaryn damytý perspektıvalary talqylandy.
Qasym-Jomart Toqaev AQSH Kongresi Ókilder palatasynyń delegasıasyn qabyldady, dep habarlaıdy Almaty-akshamy.kz Aqordaǵa silteme jasap.
Kongresmender Djeıms Panetta jáne Tomas Sýossımen kezdesýde qazaq-amerıka qatynastaryn damytý perspektıvalary talqylandy. AQSH Kongresindegi Qazaqstannyń dostary tobynyń qyzmeti aıasynda parlamentaralyq baılanystardy nyǵaıtýǵa erekshe nazar aýdaryldy.
Memleket basshysy AQSH kongresmenderiniń sapary parlamenttik dıplomatıany ilgeriletý turǵysynan mańyzdy dep atap ótti. Sondaı-aq ekijaqty saýda-ekonomıkalyq jáne ınvestısıalyq yntymaqtastyqtyń qarqyndy damyp kele jatqanyna kóńili tolatynyn jetkizdi.
Prezıdent kongresmenderge elimizde júzege asyrylyp jatqan aýqymdy reformalar men Qazaqstan halqyna arnaǵan Joldaýynyń negizgi baǵyty týraly aıtyp berdi.
Óz kezeginde kongresmender Memleket basshysyna kezdesý úshin alǵys aıtyp, Prezıdenttiń aýqymdy saıası jáne ekonomıkalyq reformalardy júzege asyrýdaǵy bastamalaryn joǵary baǵalady.