Jýyrda Taraz Dúnıejúzilik qolónershiler qalalary tizimine engeni týraly sertıfıkat aldy
Memleket basshysy Qasym-Jomart Toqaev «Kóne Taraz» tarıhı-mádenı keshenindegi Jambyl óńiri qolóner sheberleriniń kórmesine bardy. Almaty-akshamy.kz bul týraly Aqordaǵa silteme jasap habarlaıdy.
Prezıdent «Sheber shańyraq» múmkindigi shekteýli jandar qoǵamdyq birlestigi, «Óshpes mura» Jambyl oblysy qolóner sheberleriniń qaýymdastyǵy, «Jambyl oblysy qolónershiler odaǵy» qoǵamdyq birlestigi, "Asyl-Dızaın" sán úıi jáne basqa da uıymdar sheberleri jasaǵan buıymdardy tamashalady. Kórmege 29 qolóner sheberiniń aǵash, teri jáne kıizden jasaǵan buıymdary, qysh ydystar, panno, ulttyq mýzykalyq aspaptar, ulttyq kıim úlgileri, at ábzelderi, zergerlik buıymdar qoıylǵan.
Memleket basshysyna kórsetilgen «Kıiz úı» ınstallásıasynda jastarǵa toqyma, kıiz basý, quraq quraý, urshyq ıirý, syrmaq syrý jáne basqa da óner túrleri boıynsha sheberlik sabaǵy ótkizildi.
Sonymen qatar kórmede kóshpendilerdiń zamanaýı álemdik úlgide jańǵyrtylyp, neo-folklor stılinde tigilgen kópǵasyrlyq dástúrli kıimderi jáne dala gúlderi men shópteriniń hosh ıisterinen jasalǵan ıissýlar kórsetildi.
Jýyrda Taraz Dúnıejúzilik qolónershiler qalalary tizimine engeni týraly sertıfıkat aldy.
