Memleket basshysy Qasym-Jomart Toqaev Qazaqstan halqynyń jáne jeke óz atynan Tamash Shýıokty Majarstan prezıdenti laýazymyna saılanýymen quttyqtap, jedelhat joldady, dep habarlaıdy almaty-akshamy.kz.
Sizdiń orasan zor saıası tájirıbeńiz ben alǵa qoıǵan tyń josparlaryńyz elińizdiń bolashaǵyn jarqyn etip, halqyńyzdyń yrys-berekesin eseleýde myzǵymas negiz bolatynyna nyq senimdimin. Tamyry tereńnen bastaý alatyn Qazaqstan men Majarstan arasyndaǵy strategıalyq seriktestikti odan ári nyǵaıtý maqsatynda ózińizben birlese kúsh-jiger jumyldyrýǵa daıyn ekenimdi rastaımyn, – dep jazylǵan jedelhatta.
Memleket basshysy Majarstan prezıdentiniń asa jaýapty qyzmetine tolaǵaı tabys, al baýyrlas majar halqyna qut-bereke tiledi.