Ǵabıt Syzdyqbekovtiń baıandamasynan:
byltyrǵy qorytyndy boıynsha negizgi kapıtalǵa salynǵan ınvestısıa kólemi 26% artyp, 724,3 mlrd teńgeni qurady. Byltyr 1 mlrd 51 mln teńgeniń ónerkásiptik ónimi óndirildi. Qurylys salasy aıtarlyqtaı jandanyp, 1 mln sharshy metrden astam turǵyn úı paıdalanýǵa berildi;
óńirde ónerkásip salasyn damytý úshin jalpy aýmaǵy 867 gektar bolatyn 5 óndiristik aımaqqa ınfraqurylym tartý jumystary qolǵa alynyp, ınvestısıalyq jobalardyń pýly jasaqtalǵan;
qazir 128 myńnan astam shaǵyn jáne orta bıznes sýbektisi jumys isteıdi. Bul 2022 jylmen salystyrǵanda 16,4% kóp. Kásipkerlikti damytý úshin 3498 jobaǵa jalpy somasy 19,8 mlrd teńge kóleminde qoldaý kórsetilgen;
qalada jańa áýejaı termınalynyń qurylysy jáne temirjol vokzalyn rekonstrýksıalaý jumystary júrgizilýde;
shaharda "İzetti zeınetker" saýyqtyrý ortalyǵy, Kongres hol, Ústel tenısi kesheni jáne jańa ıpodrom sıaqty nysandar salynǵan;
"Jaıly mektep" ulttyq jobasy aıasynda 28 myń oqýshyǵa arnalǵan 18 bilim berý mekemesiniń qurylysy bastalǵan;
233 shaqyrym jolǵa jóndeý jumystary júrgizilip, úlken jolaıyryq paıdalanýǵa berilgen;
qoǵamdyq qaýipsizdikti qamtamasyz etý maqsatynda bıyl qala kóshelerine 3000 beınebaqylaý kamerasyn ornatý, 1000-ǵa jýyq kósheni jaryqtandyrý josparlanǵan. Sońǵy jyldary mundaı júıeli sharanyń nátıjesinde qylmys sany 33% azaıǵan;
jyldar boıy qaraýsyz qalǵan burynǵy Fosforshylar saraıy qala balansyna qaıtaryldy. Ortalyqtaǵy "Spýtnık" gúlzary memleket menshigine ótip, demeýshiler esebinen qaıta abattandyryldy.
Qasym-Jomart Toqaev Ǵabıt Syzdyqbekovke qala ekonomıkasyn odan ári ártaraptandyrý, qosymsha ınvestısıa tartý, sondaı-aq shaǵyn jáne orta bıznesti qoldaý sharalaryn kúsheıtý jóninde naqty tapsyrmalar berdi.