Búgin Qazaqstan Respýblıkasy Prezıdentiniń janyndaǵy Memlekettik basqarý akademıasynyń Almaty qalasy boıynsha fılıaly bazasynda Memlekettik qyzmetke jas talanttardy tartýǵa baǵyttalǵan «Jas qyran» Memlekettik qyzmet mektebi» jobasy aıasynda 5 kúndik oqytý bastaldy, dep habarlaıdy almaty-akshamy.kz.
İs-sharanyń resmı ashylýyna QR Memlekettik qyzmet isteri agenttiginiń Almaty qalasy boıynsha departamenti basshysynyń orynbasary Seıdalıev Nursultan, Qazaqstan Respýblıkasy Prezıdentiniń janyndaǵy Memlekettik basqarý akademıasynyń Almaty qalasy boıynsha fılıalynyń dırektory Aıgerim Abılova, «Turan» ýnıversıteti Ekonomıka fakúltetiniń dekany Tamara Mýhamedárova, Almaty tehnologıalyq ýnıversıteti «Ekonomıka jáne Bıznes» fakúltetiniń dekany Dıana Abdraımova, Narhoz Ýnıversıteti «Memlekettik basqarý» bilim berý baǵdarlamasynyń jetekshisi Ardaqtygúl Janbyrbaeva qatysyp, quttyqtaý sóz sóıledi.
2023 jylǵy «Jas qyran» Memlekettik qyzmet mektebiniń túlegi, Memlekettik kyzmet ister agentiginiń Almaty qalasy boıynsha departamentiniń Memlekettik kórsetiletin qyzmetter basqarmasynyń bas mamany Tóreqan Gúlim óziniń memlekettik qyzmetke kirýdegi tájirbıesimen bólisip, jas býyn ókilderin memlekettik qyzmetke shaqyrdy.
Oqytý aıasynda jas talanttar jobalyq basqarýdyń negizderi jáne jobany ázirleý, ony qorǵaý, tıimdi komýnıkasıalar, praktıkalyq analıtıka, strategıalyq menedjment jáne kóshbasshylyq jáne t.b. daǵdylaryn meńgerip, memlekettik basqarý júıesi, ádep kodeksi boıynsha praktıkalyq sabaqtar ótip, memlekettik qyzmet salasyndaǵy keısterdi taldaıdy dep josparlanýda.
«Almaty qalasy boıynsha fılıalynyń uıymdastyrýymen ótken «Jas qyran» Memlekettik qyzmetshiler mektebiniń túlegimin. Joba aıasynda arnaıy oqytýdan ótip, memlekettik qyzmet týraly mol aqparat jınap, memlekettik qyzmetke degen qyzyǵýshylyǵym arta tústi. Tájirbıelik taǵylymdamamdy Memlekettik qyzmet ister agenttiginiń Almaty qalasy boıynsha departamentinde óttim. Memlekettik qyzmetke kirý úshin memlekettik ákimshilik laýazymyna test tapsyrdym, qolyma test nátıjesin alǵan soń, Departamentte bos memlekettik laýazymǵa jarıalanǵan konkýrsqa qatysyp, qorytyndysynda memlekettik qyzmetke keldim. Qazirgi tańda Memlekettik kórsetiletin qyzmetter basqarmasynyń bas mamany bolyp qyzmet atqaramyn. Bolashaq memlekettik qyzmetkerlerge aıtarym: berilgen múmkindikti paıdalanyp, qajetti bilim men daǵdyny meńgerip, elimizdiń damýy jolynda birlese qyzmet etýge shaqyramyn», – deıdi mekteptiń 2023 jylǵy túlegi Gúlim Tórehan.
Joba keleshegi zor ári talantty jastar arasynan bolashaq kandıdattardy memlekettik qyzmetke tartý maqsatynda qolǵa alyndy. Mekteptiń negizgi qyzmeti memlekettik qyzmetke kirý jáne ony ótkerý úshin qajetti bilim men jeke qasıetterdi keńeıtýge baǵyttalǵan.
Sondaı-aq bilim berý baǵyttary boıynsha tájirıbelik daǵdylar men qabiletterge ıe bolý maqsatynda mektep túlekteriniń memlekettik mekemelerde jáne Qazaqstan Respýblıkasy Memlekettik qyzmet isteri agenttiginiń departamentinde tájirıbeden ótýi qarastyrylǵan.
Osy jyly mektepke «Narhoz», «Turan», Ál-farabı atyndaǵy Qazaq ulttyq ýnıversıteti, Almaty tehnologıalyq ýnıversıtetteriniń «Memlekettik basqarý» jáne «Quqyqtaný» mamandyqtarynda oqıtyn sońǵy kýrstyń 28 stýdenti qabyldandy.
Oqytý kýrstary Qazaqstan Respýblıkasy Prezıdentiniń janyndaǵy Memlekettik basqarý akademıasy fılıalynyń profesor-oqytýshylar quramyn, praktık mamandar – memlekettik qyzmetshilerdi tartý arqyly júrgiziledi.
Oqytý 2024 jyldyń 15-19 qańtary aralyǵynda ótedi. Sondaı aq «Turan» ýnıversıtetiniń bazasynda 1 kúndik kóshpeli sabaq ótkizilmek.
