Prezıdent saılaýyna kandıdattardy usyný búgin saǵat 18:00-de aıaqtalady.
Kezekten tys Prezıdent saılaýynyń alǵashqy kezeńi 23 qyrkúıekte bastalǵan edi. Sodan beri respýblıkalyq qoǵamdyq birlestikterden eldiń Ortalyq saılaý komısıasyna 8 adam usynylyp, qujattaryn tapsyrdy, dep habarlaıdy Almaty-akshamy.kz.
Prezıdent laýazymyna kandıdattardy usyný saıası naýqan belgilengen kúnniń ertesine bastaldy. Zań boıynsha, osy elde týǵan, 40 jasqa tolǵan, memlekettik tildi erkin biletin ári sońǵy 15 jyl osy elde turǵan Qazaqstan azamaty ǵana úmitker bola alady. Ony belgili bir qoǵamdyq birlestik usynýy tıis.
Sonymen barlyǵy 8 úmitker tirkeldi. Búgin sońǵy bolyp Saltanat Tursynbekovanyń kandıdatýrasy usynyldy.
Al, búgin lıngvısıkalyq komısıa buqaralyq aqparat qural ókilderine arnap baspasóz máslıhatyn ótkizedi.