Kandıdattarǵa qol jınaýǵa kóbirek ýaqyt berildi.
QR Prezıdenti saılaýyna qatysatyn kandıdattarǵa beriletin qol jınaý paraǵyn berý ýaqyty qysqardy, dep habarlaıdy Almaty-akshamy.kz QazAqparatqa silteme jasap.
«Biz "Saılaý týraly" Konstıtýsıalyq zańnyń bizge beretin quqyǵyn paıdalaný jóninde sheshim qabyldadyq. Onda kezekten tys prezıdent saılaýy osy zańda kezekti prezıdent saılaýy úshin belgilengen qaǵıdalarǵa sáıkes ótkiziledi delingen. Saılaýdy ótkizý merzimin Ortalyq saılaý komısıasy aıqyndaıdy», - dedi Ortalyq saılaý komısıasynyń tóraǵasy Nurlan Ábdirov.
OSK tóraǵasynyń aıtýynsha, óńirlik saılaý komısıalary atalǵan jańashyldyqpen jumys isteýi tıis.
«Saılaý zańnamasy negizinde prezıdenttikke kandıdattarǵa qol qoıý paraǵyn berý merzimin eki ese qysqarttyq. Iaǵnı 5 kúnnen 2 kúnge deıin. Sonymen qatar úmitkerler jınaǵan qoldyń durystyǵyn tekserý merzimi 10-nan 5 kúntizbelik kúnge deıin qysqartyldy. Osylaısha merzimderdi qysqartý esebinen kandıdattarǵa qol jınaýǵa kóbirek ýaqyt berildi», - deıdi ol.