Jergilikti ýaqyt boıynsha saǵat 07:00-den 20:00-ge daýys ıýerýge bolady.
Qazaqstan azamattary QR Prezıdentiniń kezekten tys saılaýyna shetelde qatysa alady, dep habarlaıdy Almaty-akshamy.kz QazAqpartqa silteme jasap.
2022 jylǵy 20 qarashada Qazaqstan Respýblıkasy Prezıdentiniń kezekten tys saılaýy ótedi. Qazaqstannyń sheteldegi mekemeleriniń janynan 53 shet memlekette 68 saılaý ýchaskesi quryldy. Daýys berýge qatysý úshin belsendi saılaý quqyǵy bar, tıisti shet memlekette turatyn nemese jeke, qyzmettik, oqý, iskerlik pen týrısik maqsatpen júrgen jáne QR azamatynyń jaramdy pasporty bar Qazaqstan Respýblıkasynyń azamattary saılaý ýchaskesi qurylǵan Qazaqstannyń dıplomatıalyq nemese konsýldyq ókildigine júgine alady. QR sheteldegi mekemelerinde daýys berý «Qazaqstan Respýblıkasyndaǵy saılaý týraly» QR Konstıtýsıalyq zańynyń 38-shi babynyń 1-shi tarmaǵyna sáıkes saılaý ótkiziletin kúni (2022 jylǵy 20 qarasha, jeksenbi) jergilikti ýaqyt boıynsha saǵat 07:00-den 20:00-ge deıin ótkiziletin bolady.
Sonymen birge sheteldegi saılaý prosesin ýaqytyly jáne tolyqtaı daıyndaý maqsatynda Qazaqstan Respýblıkasynyń azamattaryn jaqyn mańdaǵy saılaý ýchaskesine aldyn-ala habarlasyp, saılaýshylar tizimine engizý úshin málimet berýlerin suraımyz.