Almatyda Ulttyq qoǵamdyq senim keńesi qyzmetiniń aıasynda «Beıbit jınalystar týraly jańa zańnyń qoldanysyna sholý» taldamaly baıandamasy tanystyryldy, dep habarlaıdy almaty-akshamy.kz «Habar 24»-ke silteme jasap.
Baıandama avtorlary Marat Shıbutov pen Náılá Álmuhamedovalardyń aıtýynsha, bul zań is júzinde oń nátıje kórsetip, qoǵamdyq damýǵa aıtarlyqtaı áser etken.
İs-sharaǵa belgili qazaqstandyq sarapshylar, quqyq qorǵaýshylar men Ulttyq qoǵamdyq senim keńesiniń músheleri qatysty. Jıyndy Ulttyq keńestiń hatshysy Erlan Karın ashty. Qatysýshylar ótken jyly qabyldanǵan «Qazaqstan Respýblıkasynda beıbit jınalystardy uıymdastyrý men ótkizý tártibi týraly» zańdy talqylady. Bul qujat aldyńǵysynan kóp erekshe. Eger buǵan deıin mıtıń ótkizý úshin ruqsat alý qajet bolsa, qazir jergilikti atqarýshy organdy habardar etse jetkilikti.
2019 jyly Qazaqstan Prezıdenti elimizde saıası reformalardy júzege asyrýdyń birinshi paketin usynǵan edi. Sol kezde beıbit jınalystar týraly jańa zańdy ázirleýdi tapsyrǵan bolatyn. Jańa zań búgingi tańda óz tıimdiligin kórsetip otyr. Eger buryn el aýmaǵynda jylyna ondaǵan jınalys ótip tursa, qazir jylyna 500-den astam beıbit jınalystar uıymdastyralady.
Bir jylda ótken mıtıńter túrli taqyryptardy qamtydy. Qarjy pıramıdasymen kúresýshiler, beı-bereket qurylysqa narazylar men janýarlardy qorǵaýshy belsendiler ózderiniń azamattyq ustanymdaryn bildirip keledi. Osylaısha, qoǵamda mıtıń ótkizýdiń jańa mádenıeti qalyptasýda.