İs-sharada, eń aldymen, elimizdiń áleýmettik-ekonomıkalyq damýyna qatysty negizgi syn-qaterler talqylandy, ulttyq jobalardy ázirleý máselesi qarastyryldy, dep habarlaıdy Almaty-akshamy.kz
Qasym-Jomart Toqaev «Jaıly mektep» jáne «Aýyldyq densaýlyq saqtaýdy jańǵyrtý» ulttyq jobalaryn ýaqytyly ári sapaly júzege asyrý qajettigine nazar aýdardy.
«Qoljetimdi ınternet» jańa ulttyq jobasy týraly Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın baıandady. Memleket basshysy mınıstrdiń baıandamasyn tyńdap, atalǵan ulttyq joba halyqty qoljetimdi jáne sapaly ınternetpen qamtamasyz etý kerek ekenin basa aıtty.
Budan bólek, jıynda densaýlyq saqtaý salasynyń ınfraqurylymyn keshendi túrde damytý máselesi talqylandy. Bul másele boıynsha Densaýlyq saqtaý mınıstri Ajar Ǵınıat baıandama jasady. Qasym-Jomart Toqaev baǵdarlamany tıimdi iske asyrý jáne otandyq ónimderdi keńinen qoldaný asa mańyzdy ekenin atap ótti.