Bul – meıirimdilikti, beıbitshilikti, ádildikti dáripteıtin meıram, dedi Memleket basshysy.
Memleket basshysy Qasym-Jomart Toqaev qazaqstandyqtardy Pasqa merekesimen quttyqtady, dep habarlaıdy Almaty-akshamy.kz Aqordaǵa silteme jasap.
Qurmetti otandastar!
Elimizdiń pravoslav hrıstıandaryn Pasqa merekesimen quttyqtaımyn!
Bul – meıirimdilikti, beıbitshilikti, ádildikti dáriptep, jurtshylyqty qaıyrymdylyq jasaýǵa, jaqyndaryna janashyr bolýǵa shaqyratyn meıram.
Memleket pen qoǵamnyń turaqty damýyna negiz bolyp otyrǵan gýmanızm, dinı tózimdilik jáne tileýlestik sıaqty qundylyqtardy ornyqtyrýǵa Pravoslav qaýymy zor úles qosyp keledi.
Qazaqstanda zań ústemdigin ornyqtyrý, azamattarǵa teń múmkindikter usyný jáne olardyń quqyqtary men bostandyqtaryn qorǵaý úshin aýqymdy ózgerister jalǵasa beredi.
Biz jalpyulttyq birlikti nyǵaıtyp, baǵa jetpes baılyǵymyz – etnostar mádenıetiniń jáne dinı salt-dástúrdiń áralýandyǵyn saqtaımyz.
Pasqa merekesi ár shańyraqqa shattyq pen qýanysh ákelsin!
Barshańyzǵa zor densaýlyq, baq-bereke jáne tolaǵaı tabys tileımin!