Memleket basshysy Qasym-Jomart Toqaev Qazaqstan halqyn Otbasy kúnimen quttyqtady, dep habarlaıdy Almaty-akshamy.kz.
«Qurmetti otandastar!
Barshańyzdy Otbasy kúnimen shyn júrekten quttyqtaımyn!
Árbir adam úshin ushqan uıasynyń orny bólek. Óskeleń urpaqtyń otbasynda tálim-tárbıe alyp, ulttyq qundylyqtardy boıyna sińirýi óte mańyzdy.
«Otan otbasynan bastalady» dep beker aıtylmaǵan. Salt-dástúrge qurmet te, týǵan elge súıispenshilik te qasıetti qara shańyraqtan bastaý alady. Otbasy ınstıtýty eńbekqorlyq, bilimpazdyq, tilektestik syndy «Adal azamatqa» tán qasıetterdi qoǵamda jan-jaqty dáripteý arqyly ulttyń jańa sapasyn qalyptastyrýǵa ólsheýsiz úles qosady.
Berekeli shańyraq – elimizdi úılesimdi ári ornyqty damytýdyń myzǵymas kepili. Sondyqtan memleket ana men balany qorǵaý júıesin jetildirýge, otbasy qundylyqtaryn ulyqtaýǵa basa mán beredi.
Ár otbasynyń ál-aýqatyn jaqsartý – Ádiletti Qazaqstandy qurý jolyndaǵy negizgi mindettiń biri. Qazaqstandaǵy árbir shańyraqtyń keregesi keń, bosaǵasy berik bolsyn!
Barshańyzǵa zor densaýlyq, baq-bereke jáne tolaǵaı tabys tileımin!» - delingen Memleket basshysynyń Aqorda jarıalaǵan quttyqtaýynda.