Prezıdent Qasym-Jomart Toqaev Premer-Mınıstrdiń orynbasary – Qarjy mınıstri Erulan Jamaýbaevty qabyldady
Memleket basshysy Úkimettiń qarjy-ekonomıkalyq salada atqaryp jatqan jumystarynyń negizgi baǵyttary týraly esebin tyńdady, dep habarlaıdy Almaty-akshamy.kz Aqordanyń resmı saıtyna silteme jasap.
Memleket basshysynyń tapsyrmalaryna sáıkes, kedendik ákimshilendirý isin jetildirý boıynsha qabyldanyp jatqan jedel ári júıeli sharalar, sheteldegi qarjyny qaıtarýdy jáne elden aqshany jylystatýǵa qarsy is-qımyldardyń naqty tetikteri pysyqtalyp jatqany týraly aıtyldy.
Qasym-Jomart Toqaevqa memlekettik qarjynyń qazirgi jaǵdaıy, jalpy eldiń áleýmettik-ekonomıkalyq damýy týraly aqparat berildi.
Erulan Jamaýbaev ekonomıkany monopolıadan aryltý jáne 2022 jylǵy respýblıkalyq búdjetti naqtylaý boıynsha júrgizilip jatqan jumystar týraly baıandady.
Kezdesý sońynda Memleket basshysy birqatar naqty tapsyrma berdi.