Memleket basshysy Reseıdiń Federaldyq Jınalysy Federasıa Keńesiniń tóraǵasy Valentına Matvıenkomen kezdesý ótkizdi, dep habarlaıdy aqshamnews.kz.
Qasym-Jomart Toqaev Federasıa Keńesi tóraǵasynyń sapary parlamentaralyq baılanysty nyǵaıtý turǵysynan ǵana emes, Qazaqstan men Reseıdiń kópjosparly strategıalyq seriktestigin barlyq baǵytta odan ári arttyrý úshin mańyzdy ekenin aıtty.
– Memleketterimiz arasyndaǵy qarym-qatynas qarqyndy damyp keledi. Jaqynda bizdiń elimizge Vladımır Vladımırovıch Pýtın memlekettik sapar jasady. Bul strategıalyq seriktestikti, eki el arasyndaǵy odaqtastyqty damytýǵa tyń serpin berdi. Men ekijaqty yqpaldastyqtyń bolashaǵy zor dep oılaımyn, – dedi Prezıdent.
Qasym-Jomart Toqaevtyń aıtýynsha, bul úderiste parlamentaralyq dıplomatıa aıryqsha rólge ıe. Prezıdent depýtattar Qazaqstan men Reseı arasyndaǵy ózara tıimdi yntymaqtastyqty ilgeriletýge aıtarlyqtaı úles qosady dep sanaıdy.